Qazaqstan Prezıdenti Qytaı Tóraǵasyna kóńil aıtty

<p>Prezıdent Qasym-Jomart Toqaev Qytaıdyń soltústik-batysynda bolǵan jer silkinisi saldarynan kóptegen adamnyń qaza tabýyna baılanysty Qytaı Halyq Respýblıkasynyń Tóraǵasy Sı Tszınpınge kóńil aıtty.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://www.akorda.kz/kz/memleket-basshysy-khr-toragasy-si-czinpinge-konil-aytu-zhedelhatyn-zholdady-19114956" target="_blank" rel="noopener">Aqordaǵa</a>&nbsp;silteme jasap habarlaıdy.</p>

«Elińizdiń Gansý provıntsııasynda bolǵan joıqyn jer silkinisi saldarynan kóptegen otandastaryńyzdyń qaza tapqany týraly sýyt habardy tereń kúızelispen qabyldadym. Osyndaı qıyn sátte Sizge jáne tabıǵı apatta jaqyndarynan aıyrylǵan otbasylarǵa kóńil aıta otyryp, Qytaı halqynyń qaıǵy-qasiretine qazaqstandyqtar ortaq ekenin jetkizemin. Zilzala kezinde zardap shekken jandar tez arada saýyǵyp, iz-tússiz joǵalǵan azamattardyń otbasylaryna aman-esen oralýyna tilektespin», – dep jazylǵan jedelhatta.

Eske salaıyq, búgin túnde Qytaıdyń soltústik-batysyndaǵy Gansý jáne Tsınhaı provıntsııalarynda qýatty jer silkinisi boldy. Qaza tapqandar sany 100 adamnan asqanyn jazǵan edik.