Qazaqstan Prezıdenti qytaı tilin qalaı jetik meńgergen - Shanghai Observer

<p>Memleket basshysy Qasym-Jomart Toqaevtyń Qytaıǵa kezekti resmı saparyna baılanysty qytaılyq <a href="https://www.jfdaily.com/staticsg/res/html/web/newsDetail.html?id=668378&amp;sid=67" target="_blank" rel="noopener">Shanghai Observer</a> saıty maqala jarııalady. Onda Qazaqstan Prezıdentiniń qytaı tilin jetik meńgergeni baıandalǵan, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Tilshi Beıjiń lıngvıstıkalyq ınstıtýtynda taǵylymdamadan ótken Qasym-Jomart Kemelulyna dáris oqyǵan professor Lıý Shıtsınmen kezdesip, ony sózge tartqan. Onyń «Bolashaq Prezıdentke sabaq bergen kezińizde erekshe esińizde qalǵan oqıǵalar boldy ma?» degen saýalyna Lıý Shıtsın: 

- Ol kezde Qasym-Jomart Toqaev 31 jasta, men 44 jasta edim. Jaıshylyqta aramyz óte jaqyn boldy dep aıta almaımyn. Maǵan erekshe áser etken bir oqıǵa boldy. Oqýdy aıaqtaýǵa 5 apta qalǵan sát, birde vıdeo-praktıkalyq dáris ótip, barlyǵymyz birge ıAntszy týraly vıdeony qaradyq. Sońynan dıktorlyq stılde vıdeoǵa qaıta dybys jazdyrdym. Sonda onyń «elge qaıtyp barǵanda bul ádisti ondaǵy ustazdarymmen bólisemin» dep máz bolǵany esimde. Ol úzdik oqydy, sabaq úlgerimi týraly qujattar áli saqtaýly, kózben kórip, aqıqatyna jetýlerińizge bolady, - dep jaýap berdi. 

Foto: www.akorda.kz

Qytaılyq BAQ daıyndaǵan vıdeoda Prezıdent Qasym-Jomart Toqaevtyń Beıjiń lıngvıstıkalyq ınstıtýtynda taǵylymdamadan ótken kezindegi muraǵattyq qujattary men eski sýretteri de kórsetilgen. 

Foto:www.akorda.kz

Eske salaıyq, Memleket basshysy Qytaı Halyq Respýblıkasyna 16 qazanda resmı saparmen bardy. Q.Toqaev kelesi kúni birqatar kezdesý ótkizdi, sonyń ishinde QHR Tóraǵasy Sı Tszınpınmen kelissóz júrgizdi.

Prezıdent Beıjiń lıngvıstıkalyq ınstıtýtynda taǵylymdamadan ótken kezinde ózine dáris bergen professor Lıý Shıtsınmen áńgimelesti.