Qazaqstan Prezıdenti GFR Federaldyq kantsleri Olaf Sholtspen telefon arqyly sóılesti

<p>ASTANA. KAZINFORM &ndash; Germanııa tarapynyń bastamasymen ótken áńgimelesý barysynda Qasym-Jomart Toqaev pen Olaf Sholts ekijaqty qatynastardyń praktıkalyq máselelerin talqylady. Atap aıtqanda, Memleket basshysynyń byltyr qyrkúıek aıynda Berlınge jasaǵan resmı sapary barysynda qol jetkizilgen ýaǵdalastyqtardy júzege asyrýǵa basa mán berildi.</p>

Taraptar saýda-ekonomıkalyq yqpaldastyq qarqyny joǵary ekenine erekshe nazar aýdaryp, iskerlik baılanystardy nyǵaıtýǵa jáne birlesken ınvestıtsııalyq jobalardy iske asyrýǵa ózara qyzyǵýshylyq tanytty. 

Sonymen qatar Qasym-Jomart Toqaev pen Olaf Sholts óńirlik jáne jahandyq kún tártibindegi ózekti máseleler jóninde pikir almasyp, eki eldiń halyqaralyq arenadaǵy kúsh-jigerin úılestirýdiń mańyzdylyǵyna nazar aýdardy. Osy oraıda taraptar aldaǵy ýaqytta Astanada «Ortalyq Azııa – Germanııa» formatynda ótetin joǵary deńgeıdegi kezdesýdiń máni zor ekenin atap ótti.