Qazaqstan Prezıdenti Ázerbaıjan halqyn Táýelsizdik kúnimen quttyqtady

<p>ASTANA. KAZINFORM — Memleket basshysy Ázerbaıjan Prezıdentine quttyqtaý jedelhatyn joldady. Qasym-Jomart Toqaev Ilham Álıevti jáne ázerbaıjan halqyn ulttyq merekesi — Táýelsizdik kúnimen quttyqtady. </p>

— Ázerbaıjannyń memlekettiligi men halyqaralyq bedelin nyǵaıtý isindegi tańqalarlyq jetistikteri osy tarıhı datanyń mán-mańyzyn arttyra túsedi. Qazaqstan baýyrlas Ázerbaıjannyń qol jetkizgen tabystaryna zor yqylaspen tileýlestik tanytyp, dostyq pen ózara qoldaý rýhyndaǵy san qyrly yntymaqtastyqty tereńdetýge erekshe nazar aýdarady. Qazaq-ázerbaıjan strategııalyq seriktestigi men odaqtastyǵy týysqan halyqtardyń ósip-órkendeýi jolynda bekı túsetinine senimdimin, — dep jazylǵan jedelhatta.

Qasym-Jomart Toqaev Ilham Álıevke jalpyulttyq kóshbasshy retinde tabys, al baýyrlas ázerbaıjan halqyna beıbitshilik, baq-bereke tiledi.