Qazaqstan Premer-lıgasy: «Elimaı» óz alańynda «Tobyl» komandasynan basym tústi

<p>ASTANA. KAZINFORM - Búgin fýtboldan Qazaqstan Premer-lıgasynyń HH týrynda semeılik &laquo;Elimaı&raquo; komandasy Qostanaıdyń &laquo;Tobylyn&raquo; qapy qaldyrdy.&nbsp;</p>

Semeılik komanda bıyl júldeli orynnyń birine qol jetkizýdi aldyna maqsat etip otyr. Sondyqtan búgingi kezdesýde olar úsh upaı alý úshin jeńiske jetýge umtyldy. Qostanaılyq komanda da chempıondyqqa talasyp jatqan ujym bolǵannan keıin syrt alańda upaı alyp ketýdi kózdedi. 

Kezdesýdiń 11-mınýtynda «Elimaı» sapynan Islam Mashýkov gol soqsa, 89-mınýtta Nıkıta Korzýn esepti ústemeleı tústi. Al, 94-mınýtta qostanaılyq klýbtan Islam Chesnokov mergendik tanytyp, mergender kóshinde birinshi orynǵa shyqty. 

Kezdesýde «Elimaı» 2:1 esebimen basym túsip, týrnır kestesinde birinshi orynǵa kóterildi.

Atalǵan týrdyń ózge oıyndary «Aqtóbe» men «Jetisý» (Taldyqorǵan), «Ordabasy» (Shymkent) men «Atyraý» komandalary arasynda ótip jatyr. 

Eske sala keteıik, 14 qyrkúıekte elordalyq «Jeńis» Qyzylordanyń «Qaısaryn» 1:0, «Astana» petropavldyq «Qyzyljardy», túrkistandyq «Turan» Qaraǵandynyń «Shahterin» 2:1 esebimen jeńdi.