Qazaqstan Premer-lıgasy: «Aqtóbe» komandasy óz alańynda «Jeńisten» basym tústi

<p>ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 16-týrynda &laquo;Aqtóbe&raquo; syrt alańda &laquo;Jeńisten&raquo; basym tústi.</p>

Bıyl «Aqtóbe» bas júldege úmitkerler qatarynda sanalady. Sondyqtan aqtóbelik klýb keıingi týrlarda jaqsy oıyn órnegimen kózge túsip keledi. Búgingi kezdesýde olardyń qatarynan Agbo Ýche Herrı 27-mınýtta esep ashsa, elordalyq klýbtan Brýno Sılva 39-mınýtta tarazy basyn teńestirdi. Al, oıynnyń 87-mınýtynda Idrıs Ýmaev soqqan gol «Aqtóbeniń» úsh upaı enshileýine septigin tıgizdi.

Osylaısha aqtóbelik klýb qarsylasynan 2:1 esebimen basym túsip, týrnır kestesinde 28 upaımen birinshi orynǵa kóterildi. 

Dál qazir atalǵan týrdaǵy «Astana» men «Turan» (Túrkistan) kezdesýi ótip jatyr. Ázirge esep - 1:0. 

Bul týrdaǵy «Tobyl» (Qostanaı) men «Shahter» (Qaraǵandy) kezdesýi 28 qyrkúıekke belgilengen. 

Eske salsaq, 3 tamyzda «Qyzyljar» «Jetisýdy» 2:1, «Qaırat» «Elimaıdy» 4:1 esebimen jeńse, «Atyraý» men «Qaısar» 2:2 esebine qanaǵat bildirdi.