Qazaqstan Premer-lıgasy 25-týrynyń úzdik oıynshylary men jattyqtyrýshylary anyqtaldy

<p>Qazaqstan Premer-Lıgasy 25-týr oıyndarynyń qorytyndysy boıynsha <a href="https://www.sports.kz/news/opredelenyi-luchshie-igroki-itrener-25-go-tura-kpl" target="_blank" rel="noopener">Sports.kz </a>ınternet-portaly sımvoldyq qurama jasaqtady, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttigi.</p>

Oǵan «Astana», almatylyq «Qaırat» pen qyzylordalyq «Qaısardyń» eki oıynshysy, kókshetaýlyq «Oqjetpes», petropavldyq «Qyzyljar», shymkenttik «Ordabasy», qostanaılyq «Tobyl» jáne «Maqtaaral» klýbtarynyń bir oıynshysy engen.

Oıyndaǵy ornyna qaraı qaqpashy Stepan Sıkach (Qaısar), qorǵaýshylar Tımýr Dosmaǵambetov (Astana), Ben Azız Zagre (Qaısar), Alekseı Tataev (Oqjetpes) jáne Erkin Tapalov (Qyzyljar), jartylaı qorǵaýshylar Fabıen Ýrega (Astana), Dmıtrıı Sergeev (Qaırat), Ashat Taǵybergen (Ordabasy) jáne Igor Ivanovıch (Tobyl), shabýylshylar Joao Paýlo (Qaırat) pen Ramzan Karımov (Maqtaaral) úzdik dep tanyldy.

Úzdik bas jattyqtyrýshy ataǵyna «Maqtaaral» tálimgeri Qaırat Nurdáýletov ıe boldy.

Tarıhta alǵash ret shymkenttik «Ordabasy» klýby chempıon atanǵanyn eske sala keteıik.

Kúmis júldege «Astana» men «Aqtóbe» talasyp jatyr, másele sońǵy týrda sheshiledi. Aqtaýlyq «Kaspıı» men pavlodarlyq «Aqsý» úzdikter qatarynan shyǵyp qaldy.