Qazaqstan poıyzdarynda oqys jaǵdaıda kómek shaqyrý úshin SOS batyrmasy paıda bolady
«Ókinishke qaraı, poıyzdarda tóbeles, janjal jáne basqa da faktiler bolyp jatady. Árıne, oqys jaǵdaı poıyzda ǵana emes, kez kelgen jerde bolýy múmkin. Jolaýshyǵa qaýip tóngen jaǵdaıda aldymen poıyz jolserigine júgingen jón. Sodan soń jolaýshylardyń qaýipsizdigi týraly nusqaýlyqqa sáıkes poıyz basshylyǵy tıisti shara qabyldaıdy», - dedi Botagóz Ákimova BAQ ókilderimen ótken beıresmı kezdesý barysynda.
Onyń aıtýynsha, poıyz jolaýshylarynyń qaýipsizdigin tolyq qamtamasyz etý jumysy jalǵasyn taýyp jatyr.
«Ótken jyly poıyz vagondarynda SOS batyrmasyn ornatý máselesi qolǵa alyndy. ıAǵnı qaýip tóngen jaǵdaıda jolaýshy batyrmany basyp, jolserikti kómekke shaqyra alady. Sonymen qatar jolaýshylar qaýipsizdigin qamtamasyz etýge kóliktegi polıtsııa departamentiniń qyzmetkerleri de tartylady. Ókinishke qaraı, atalǵan mamandar barlyq poıyzda joq. Bul másele boıynsha biz Іshki ister mınıstrligine birneshe ret júgindik. Bizdiń qyzmetkerlermen qatar ishki ister organdary mamandarynyń da bolǵany abzal», - deıdi ol.