Qazaqstan polıtsııasy qoǵamda tártipti saqtaý úshin iske volonterlardy tartqaly otyr
«Qazaqstan Respýblıkasy Prezıdentiniń Jarlyǵymen 2020 jyl – Volonter jyly bolyp jarııalanǵany belgili. Qazaqstandyq polıtsııa halyqtyń belsendilerin qoǵamdyq tártipti saqtaý sharalaryna, onyń ishinde birlesip patrýl júrgizý jáne iz-túzsiz joǵalǵandardy izdeý úshin arnaıy quqyqtyq topty tartýdy josparlap otyr. Polıtsııamen birge jumys isteıtin eriktilerge arnaıy kúrteshe, baılanys úshin radıostansa eriledi», - dep habarlaıdy ІІM-nen.
Qoǵamdy, onyń ishinde eriktiler qozǵalysyn quqyq qorǵaý, izdestirý qyzmetine tartý jáne ýchaskelik polıtsııa ınspektorlaryna qylmystyń aldyn alýǵa kómektesý boıynsha mınıstr Erlan Turǵymbaevtyń bastamasy barlyq aımaqta júzege asyrylmaq. Qazirgi ýaqytta mınıstrlik joǵary oqý oryndarymen jáne jastar uıymdarymen kelissóz júrgizýde.
«28-shi qysqy qysqy Ýnıversıada-2017 kezinde (3 myń adam), sondaı-aq EKSPO-2017 Halyqaralyq mamandandyrylǵan kórmesi (1500 adam) ótken tusta ishki ister organdary eriktilermen ózara árekettese jumys júrgizýdiń oń tájirıbesin jol qoıǵan edi. Halyqaralyq is-sharalar ótkizilgende eriktiler nysan-nysanǵa taratylǵan bolatyn. Volonterlar meımandarmen jumys júrgizý daǵdysyn úırendi. Aýysym aldynda ártúrli ómirlik jaǵdaılar men zańsyz áreketter kezdeskende kezdegi áreket etý nusqaýlyǵy úıretilgen edi. Polıtsııa men eriktilerdiń birlesken kúsh-jigeriniń arqasynda qylmystar men quqyqbuzýshylyqtardyń joly kesildi», - delingen habarlamada.
Mınıstrliktiń habarlaýynsha, qazirdiń ózinde volonterlar joǵalǵan balalar men qarttardy izdeý, rezonansty qylmystardy ashý isine belsene aralasyp, ártúrli jaǵdaıda kómek qolyn sozýda.
«Máselen, jergilikti eriktiler polıtsııaǵa Qaraǵandy oblysynyń Shet aýdanynda qyrkúıekte urlanǵan balany tabýǵa kómektesti. Qostanaı oblysynda polıtsııa men eriktilerdiń birlesken jumysynyń arqasynda joǵalǵan 20-dan astam adam tabyldy. Olardyń arasynda balalar men jasóspirimder de bar. Volonterlar sonymen qatar, esirtki saıttarynyń ataýlary turǵan jazalardy óshirýge kómektesip, esirtki qylmystarymen kúreste úlesterin qosyp keledi», - dep habarlaıdy mınıstrlikten.