Qazaqstan pasportyn Túrkııada 30 kún ishinde resimdeýge bolady

NUR-SULTAN. QazAqparat - 2022 jyldyń 1 maýsymynan bastap Túrkııa aýmaǵynda «QR sheginen tys jerlerde turatyn QR azamattaryna pasporttardy rásimdeý» memlekettik qyzmetti elektrondyq formatqa kóshirý boıynsha «pılottyq jobasy» bastaldy, dep habarlaıdy QazAqparat.

QR Syrtqy ister mınıstrligi baspasóz qyzmetiniń habarlaýynsha, atalǵan joba QR Syrtqy jáne Іshki ister mınıstrlikterimen Prezıdent Qasym-Jomart Toqaevtyń Joldaýyn iske asyrý sheńberinde júzege asyrylyp jatyr jáne Qazaqstannyń Ankara, Ystanbul jáne Antalıa qalalaryndaǵy sheteldik mekemelerine júgingen Qazaqstan azamattaryna pasportty 80 kúnniń ornyna 30 kún ishinde alýǵa múmkindik beredi.

Búgingi tańda elektrondyq qujattandyrý júıesi Qazaqstannyń Birikken Arab Ámirlikteri (Ábý-Dabı, Dýbaı qalalary), Germanııa (Berlın, Maındaǵy Frankfýrt, Mıýnhen, Gannover qalalary), Koreıa Respýblıkasy (Seýl q.), Reseı (Máskeý q.), AQSh (Vashıngton, Nıý-Iork, San-Frantsısko qalalary), Ózbekstan (Tashkent q.) men Japonııadaǵy (Tokıo q.) sheteldik mekemelerinde sátti jumys isteıdi.