Qazaqstan parasportshylary Azıadadan taǵy úsh medal jeńip aldy

<p>Qytaıdyń Hanjchoý qalasynda ótip jatqan Azııa paraoıyndarynda qazaqstandyq parasportshylar taǵy úsh medal jeńip aldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Qazaqstandyq paradzıýdoshy Janbota Amanjol J2 sanaty boıynsha 90 kelige deıingi salmaqta fınalǵa deıin súrinbeı jetti.

Janbotanyń sońǵy básekedegi qarsylasy myqty boldy, ońtústikkoreıalyq Lı Chon Mın 2018 jylǵy Azııa para oıyndarynyń jáne bıylǵy álem chempıony edi.

Ol Janbotany ıppon ádisimen jeńip ketti.

Foto: kaz_para_judo/Instagram

Taǵy bir paradzıýdoshy Ǵalymjan Smaǵululy J2 sanaty boıynsha 90 kelige deıingi salmaqta qola júlde úshin beldesýde Otabek Elısbekovty (Ózbekstan) 1:0 esebimen qapy qaldyrdy.

Sonymen qatar parataekvondoshy, eki márte álem chempıony Ómiráli Nyshan kúmis júldeni qanaǵat tutty.

Foto: Týrızm jáne sport mınıstrligi

Ol K44 sanaty boıynsha 80 keliden astam salmaqta 2021 jylǵy álem chempıony, ırandyq Hamed Hagshenasqa 11:30 esebimen jol berdi.

Eske sala keteıik, budan buryn Zarına Raıfovanyń Azııa para oıyndarynyń kúmis júldegeri atanǵanyn jazǵan bolatynbyz.

Sondaı-aq parazıadada Qazaqstan qorjynyna taǵy 4 medal tústi.