Qazaqstan Paralımpıada oıyndarynyń 21-shi lıtsenzııasyna ıe boldy

<p>ASTANA. KAZINFORM -&nbsp; Halyqaralyq Paralımpıada komıtetiniń úsh jaqty bıpart komıssııasynyń sheshimimen qazaqstandyq para sportshy Sevda Alıeva Parıj-2024 Paralımpıada oıyndarynyń para oq atýdan lıtsenzııa ıegeri atandy.</p>

QR Týrızm jáne sport mınıstrligi málim etkendeı, Sevda 10 metrlik P2 pnevmatıkalyq tapanshamen atý dıstsıplınasynda óner kórsetedi.

Bul – para oq atýdan Qazaqstannyń ekinshi lıtsenzııasy. Budan buryn osy sport túrinde alǵashqy lıtsenzııany qazaqstandyq Erkin Ǵabbasov álem kýbogynda pnevmatıkalyq myltyqpen atýdan R1 dıstsıplınasynda jeńip alǵan bolatyn.

Qazirgi ýaqytta Qazaqstannyń Paralımpıada oıyndarynda sporttyń 8 túrinen 21 lıtsenzııa bar. Olardyń ishinde: para paýerlıftıng (5), para jeńil atletıka (3), para júzý (4), voleıboldy otyryp oınaý (1), para ústel tennısi (1), para taekvondo (3), para kanoe (2) jáne para oq atý (2).

XVII jazǵy Paralımpıada oıyndary 28 tamyz ben 8 qyrkúıek aralyǵynda ótedi.

Jarysta 23 sport túrinen 549 medal jıyntyǵy oınatylady.