​​Qazaqstan pandemııaǵa qaramastan sheteldegi qandastardy oqýǵa qabyldaıdy

NUR-SULTAN. QazAqparat - Áleýmettik jelide «Bıyl qandas jastardy Qazaqstanǵa oqýǵa qabyldamaıdy» degen aqparat taraǵan edi. «Otandastar qory» bul aqparattyń jalǵan ekenin málimdeıdi, dep habarlaıdy QazAqparat.

«Osy oraıda «Dúnıejúzi qazaqtary qaýymdastyǵy» RQB jáne «Otandastar qory» KEAQ Qazaqstan Respýblıkasy Úkimetiniń 2018 jylǵy 16 sáýirdegi №199 qaýlysyna sáıkes 2020-2021 oqý jylyna respýblıkalyq bıýdjetten qarjylandyrylatyn bilim berý uıymdarynda joǵary oqý oryndarynyń daıyndyq bólimine Qazaqstan Respýblıkasynyń azamattary bolyp tabylmaıtyn ulty qazaq adamdardy oqytýǵa 1300 oryn bólingenin habarlaıdy», delingen Otandastar qory taratqan aqparatta.

Qor úmitkerlerden qujattardy qabyldaý týraly aqparatty qabyldaý erejesi bekitilgennen keıin qosymsha joldaıtynyn jetkizdi.

Naqty aqparat alý úshin qordyń telefonyna habarlýǵa bolady:

1404 (barlyq qazaqstandyq mobıldi operatorlar úshin tegin);

800 080 1404 (barlyq qazaqstandyq qalalyq qońyraýlar úshin tegin);

[phone] (barlyq Qazaqstandaǵy qala qońyraýlary úshin tegin, halyqaralyq qońyraýlar úshin sheteldik operatorlar belgilegen baǵamen);

8 701 000 1404 (WhatsApp, Telegram habarlama men qońyraý úshin).

Sondaı-aq, qordyń áleýmettik jelidegi paraqshalarynan (Facebook, Instagram, Twitter, Telegram ) keńes alýǵa bolady.