Qazaqstan pandemııa kezinde úzdiksiz bilim berýdi tıimdi uıymdastyrdy – halyqaralyq sarapshylar
«COVID-19 indeti bastalyp, qashyqtan oqytý formatyna amalsyz kóshken kezde Qazaqstan úzdiksiz bilim berý úrdisin tıimdi uıymdastyra aldy. Endi pandemııadan keıingi kezeńde bilim berý protsesin qalpyna keltirý jáne syn-qaterlerge jaýap bere alatyn mektep júıesin qurý úshin jaǵdaı jasaý qajet «, – dedi «Bilim berýdegi olqylyqtardy qalpyna keltirý jáne turaqty mektep júıesin qurý» atty onlaın-vebınar barysynda Dúnıejúzilik banktiń Qazaqstandaǵy turaqty ókili Jan-Fransýa Marto.
Atalǵan sharany Dúnıejúzilik bank, BUU Balalar Qory (ıÝNISEF), ıÝNESKO, Dúnıejúzilik densaýlyq saqtaý uıymy men Bilim jáne ǵylym mınıstrligi birlesip uıymdastyrdy.
Halyqaralyq sarapshylar pandemııa kezinde mektepterdiń jabylýy álem boıynsha oqýshylardyń úlgerimine jáne mektep baǵdarlamasyn meńgerý deńgeıine áser etkenin aıtty. «Bilim berýdegi týyndaǵan máselelerdi qalpyna keltirý úshin tıimdi sharalar qabyldaý qajet», – deıdi sarapshylar.
Bilim jáne ǵylym vıtse-mınıstri Sholpan Karınova karantın kezeńinde qashyqtan oqytý formatyna kóshý barysynda tek syn-qaterler ǵana emes, jańa múmkindikter de paıda bolǵanyn aıtty.
«Osy kezeńde balalardy oqytýǵa múddeli taraptardyń bári ózara jaqyndaı tústi. Ata-analar oqý protsesine belsendi aralasyp, jaǵdaıdy nazarda ustap otyr. Odan bólek bilim berý ınternet-platformalarynyń jumysy jańǵyrǵanyn, tsıfrly saýattylyqtyń artqanyn, kompıýterızatsııa men keri baılanystyń kúsheıgenin aıta ketken jón», –dedi vıtse-mınıstr Sholpan Karınova.
Vıtse-mınıstrdiń aıtýynsha, qashyqtan bilim berý dástúrli bilim berýdi almastyra almaıdy. Óıtkeni oqý protsesin uıymdastyrý – bul jaı ǵana oqý úrdisi ǵana emes, sondaı-aq balalardyń ortaǵa beıimdelýi men ózara qarym-qatynas jasaýyna, olardy damytýǵa baǵyttalǵan jumys.
Pandemııa jáne karantındik shekteýler kezinde oqý protsesin retteý úshin birqatar normatıvtik quqyqtyq qujat qabyldandy, baǵalaý júıesi beıimdelip, bilim berýdiń memlekettik standarty men sanıtarlyq erejelerge ózgerister engizildi.
«Biz bul baǵytta sarapshylarmen belsendi jumys jasap, qoldanystaǵy jumys tájirıbesine taldaý jasap jatyrmyz. Bul bir kúndik jumys emes, qalpyna keltirý protsesi uzaq úrdis ekenin túsinemiz. Qazirgi tańda mektepterdiń 50%-y, tek 1 mıllıon oqýshy dástúrli formatta bilim alyp jatyr. Biz úshin barlyq bilim berý uıymynyń ashylǵany mańyzdy. Ol úshin epıdemıologııalyq jaǵdaıdyń jaqsaryp, sanıtar dárigerlerdiń ruqsat berýin kútemiz», – dedi Sholpan Karınova.
Halyqaralyq sarapshylar pandemııa kezindegi Bilim jáne ǵylym mınıstrliginiń qyzmetine oń baǵa berdi.
«Qıyn-qystaý kezeńde tek problemalarǵa ǵana basa nazar aýdarmaı, sonymen qatar osy jaǵdaıda ashylǵan jańa múmkindikterge de mán berip otyrǵandaryńyzdy quptaımyn. Qazaqstannyń bilim salasynda jaqsy nátıjelerge jetkenin atap ótkim keledi. Bul kezeńde mınıstrlik ata-analarmen, muǵalimdermen jáne oqýshylarmen ashyq dıalog júrgizdi, bul óte mańyzdy ári qýanarlyq jaǵdaı» , – dedi bilim salasyndaǵy jetekshi sarapshy, Dúnıejúzilik banktiń ókili Aısha Vaýda.
ıÝNISEF-tiń Qazaqstandaǵy ókili Artýr Van Dıren muǵalimderdiń pandemııa kezindegi jumysyn erekshe atap ótip, alǵysyn bildirdi.
«Qazirgi tańda kórinbeıtin erlik is jasap jatqan batyrlarymyz – muǵalimder. Qashyqtan oqytý formatyna tez kóshý – ońaı sharýa emes. Osy rette muǵalimder qyrýar jumys atqarǵanyn atap ótken jón» , – dedi Qazaqstandaǵy BUU Balalar qorynyń ókili.