Qazaqstan Palestınaǵa qosymsha gýmanıtarlyq kómek jiberedi

<p>Memleket basshysy Qasym-Jomart Toqaevtyń tapsyrmasyna sáıkes Qazaqstan Palestınaǵa qosymsha gýmanıtarlyq kómek kórsetedi, dep habarlaıdy <a href="https://kaz.inform.kz/" target="_blank" rel="noopener">Kazinform </a>Úkimettiń baspasóz qyzmetine silteme jasap.<strong> </strong>&nbsp;</p>

Atalǵan másele QR Premer-Mınıstriniń birinshi orynbasary Roman Sklıardyń tóraǵalyǵymen ótken Úkimettik komıssııa otyrysynda talqylandy.

Gýmanıtarlyq kómekke jalpy salmaǵy 38 tonnadan asatyn azyq-túlik, tósek-oryn jabdyqtary, dári-dármek jáne medıtsınalyq buıymdar kiredi. Júkter jaqyn arada áýe kóligimen jóneltiledi.

Qazaqstannyń qoldaýy Gaza sektorynda bolǵan gýmanıtarlyq apatty jaǵdaıǵa baılanysty Palestınaǵa kómek kórsetýge baǵyttalǵan.

Buǵan deıin Qazaqstan Palestına halqyna $1 mln kóleminde gýmanıtarlyq kómek kórsetken bolatyn.