Qazaqstan Palestınaǵa gýmanıtarlyq kómek retinde 1 mln dollar jiberdi

<p>Memleket basshysynyń tapsyrmasy boıynsha elimiz Palestına halqyna gýmanıtarlyq kómek jiberdi. Bul týraly QR Syrtqy ister mınıstrliginiń resmı ókili Aıbek Smadııarov málim etti, dep habarlaıdy Kazinform.</p>

«Gaza sektoryndaǵy jaǵdaıdy eskere otyryp, Qazaqstan Palestına halqyna 1 mln AQSh dollary kóleminde gýmanıtarlyq kómek kórsetýge sheshim qabyldady. Bul sheshimdi QR Prezıdenti Qasym-Jomart Toqaev túrki memleketteri uıymynyń sammıtinde aıtty. Qazaqstan Úkimeti bólgen qarjy BUU Taıaý Shyǵys agenttigine aýdaryldy», - dedi Aıbek Smadııarov mınıstrlikte ótken baspasóz máslıhatynda.

SІM resmı ókili málimdegendeı, gýmanıtarlyq qyzmet Qazaqstannyń syrtqy saıasatynyń mańyzdy baǵyty.

«Beıbit saıasat pen ádildik qaǵıdatyn ustanatyn Qazaqstan árqashan tótenshe jaǵdaıǵa tap bolǵan memleketterge qoldaý kórsetýge umtylady», - dep tolyqtyrdy A. Smadııarov.