Qazaqstan Pákistanǵa rels arqalyqtaryn eksporttamaq

<p>Qazaqstan Pákistanǵa rels arqalyqtaryn eksporttamaqshy. Bul týraly Pákistan Islam Respýblıkasyndaǵy Tótenshe jáne Ókiletti Elshi Erjan Qystafın BAQ ókilderine ekijaqty ekonomıkalyq baılanys jónindegi &laquo;dóńgelek ústel&raquo; aldynda aıtty, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Olarǵa bizdiń energııalyq resýrstar qajet. Qazaqstan astyǵyn jetkizýdi surap otyr. Qazir olar ózderindegi temirjol jelisin jańǵyrtyp jatyr. Bul turǵydan alsaq, Aqtóbede rels arqalyqtarynyń zaýyty bar. Qazir kelissóz júrgizilýde», – dedi dıplomat.

Elshiniń aıtýynsha, Pákistanǵa azyq-túlik ónimderin molynan eksporttaýǵa bolady.

«Qazirgi mindeti – naryqty ashyp, áleýetimizdi pash etý. Pákistan halqynyń sany 242 mıllıon ekenin eskersek, álemdegi besinshi naryq bolyp esepteledi. Bizdegi tamaq ındýstrııasynyń ónimderine suranys bar», – dedi Erjan Qystafın.