Qazaqstan óziniń altyn-valıýta qoryn «kertip jeýdi» tyıdy
Onyń aıtýynsha, erkin aıyrbas baǵamy rejimine kóship, ekonomıka sýbektileri jańa jaǵdaıǵa beıimdelgennen keıin teńgeniń aıyrbas baǵamy turaqtanǵan. Ol obektıvti faktorlarǵa sáıkes keledi jáne óndirýshilerdiń básekege qabilettiligin qamtamasyz etedi.
«Munyń barlyǵy da Ulttyq banktiń valıýta naryǵyna aralasýynsyz júrip jatyr. Biz 2016 jyldyń qyrkúıeginen ınterventsııa júrgizbeımiz. Bul saıasat altyn-valıýta qoryn saqtaýǵa múmkindik beredi. Osy jyldyń qańtar aıynyń sońynda eldiń Ulttyq qorynyń valıýtalyq aktıvterin qosa alǵandaǵy altyn-valıýta rezervi 92 mlrd. dollarǵa jetip qaldy. Bul 2015 jyldyń sońyndaǵy deńgeıden joǵary. Ol kezde 91,3 mlrd. dollar bolǵan edi. Іs júzinde bul ózimizdiń altyn-valıýta qorymyzdy "kertip jeýden» tyıylǵanymyzdy bildiredi», - dedi Aqyshev.