Qazaqstan ózin postkeńestik keńistiktegi eldermen salystyrýdy doǵaryp, damyǵan elderdiń deńgeıine umtylýy tıis - N. Nazarbaev
dep habarlaıdy QazAqparat.
«Sońǵy Joldaýymda men elimizdi aldaǵy 10 jylda damytý mindetin qoıdym. Qazirgi tańda biz Údemeli ındýstrııalyq-ınnovatsııalyq damýdyń alǵashqy bes jyldyq baǵdarlamasyn bastap jatyrmyz. Bul baǵdarlama is júzindegi qujat bolyp tabylady, ony Qazaqstannyń kóshbasshylyqqa umtylǵan joly dep te ataýǵa bolady. Biz osy jyldardyń ózinde postkeńestik keńistiktegi kóshbasshylardyń biri bolyp otyrmyz. Biraq buǵan toqmeıilsýge bolmaıdy. Ózimizdi postkeńestik keńistiktegi eldermen salystyrýdy doǵaryp, damyǵan eldermen salystyryp, solardyń deńgeıine shyǵýǵa umtylýǵa tıispiz», dedi kezdesýde N. Nazarbaev.
Elbasy Qazaqstan mundaı mindetti oryndaı alatynyn atap kórsetti. «Áıelderdiń aldynda turǵan eń basty mindet - qashandaǵydaı bizdiń elimizdiń, bizdiń er azamattarymyzdyń senimdi tiregi bolý. Al, er azamattardyń mindeti - óz otbasynyń, jan jarynyń, balalarynyń materıaldyq ıgiligin, memlekettiń múmkindikterin tartpaı-aq elimizdiń damýyn qamtamasyz etý», dedi Prezıdent.