Qazaqstan ózin avıaotynmen tolyq qamtamasyz ete alady – Energetıka mınıstrligi

NUR-SULTAN. QazAqparat – Bıyl eldegi munaı óńdeý zaýyttary 590,2 myń tonna avıaotyn óndirýdi josparlap otyr, - dep habarlaıdy QazAqparat tilshisi.

Energetıka mınıstrliginiń redaktsııa saýalyna joldaǵan jaýabyna súıensek, qazaqstandyq munaı óńdeý zaýyttary ishki naryqtyń avıaotynǵa degen suranysyn tolyǵymen qamtamasyz etip otyr.

«Іshki naryqtyń avıaotynǵa suranysy jylyna shamamen 550-600 myń tonnany quraıdy. 2021 jyly avıaotyn óndirisi 590,2 myń tonna kóleminde josparlanǵan», - dep jazady mınıstrliktegiler.

Vedomstvonyń baspasóz qyzmeti respýblıka boıynsha munaı óndirýdiń ózindik quny ár keni ornynda árqalaı ekenin aıtady

«Ónimdi ótkizý, kedendik baj ben renta salyǵy, ákimshilik-qarjylyq jáne ózge de shyǵystar ken oryndaryndaǵy munaı óndirisiniń ózindik qunyn ár túrli etip otyr, ıaǵnı qatty aıyrmashylyqtar bar. Barrelge shaqsaq, 30 dallardan 50 dollarǵa deıin qubylady», - dep jazylǵan mınıstrliktiń jaýabynda.