Qazaqstan Ózbekstanǵa qandaı taýarlar eksporttaıdy
QR UEM Statıstıka komıteti men QM Memlekettik kirister komıtetiniń resmı derekterine sáıkes, taýar aınalymyndaǵy eksport úlesi 2 mlrd, ımport 771,2 mln dollardy boldy. Bul rette eki eldiń arasyndaǵy taýar aınalymy 2018 jylmen salystyrǵanda 1,5 paıyzǵa nemese 42,2 mln dollarǵa tómendep otyr. 1 jyl ishinde eksport kólemi 20,9 paıyzǵa nemese 341,9 mln dollarǵa, al ımport 33,2 paıyzǵa nemese 384,1 mln dollarǵa quldyraǵan. Degemen saýda saldosy oń ári 1,2 mlrd dollardy quraıdy. Ótken jyly Ózbekstan Qazaqstannyń saýda seriktesteri arasynda 9-orynǵa turaqtady.
2019 jyldyń 12 aıynda Qazaqstannyń Ózbekstanǵa eksporty 20,9 paıyzǵa artyp, 2 mlrd dollar boldy. Onyń ishinde shıkizattyq emes taýarlar eksporty 82,6 paıyzdy quraıdy. Atalǵan kezeńde Ózbekstan qazaqstandyq taýarlardy tutynýshylardyń arasynda 10-orynda tur. Ózbek eline Qazaqstannan negizinen astyq, ken men mys kontsentraty, óńdelmegen alıýmınıı, qospasyz bolat jartylaı daıyn ónimderi, un eksporttalady.
Al Ózbekstannan Qazaqstanǵa ótken jylydyń 12 aıynda ımport kólemi 33,2 paıyzǵa tómendep, 771,2 mln dollar boldy. Qazaqstanǵa taýarlar jetkizýshilerdiń arasynda Ózbekstan 8-orynda tur. Bul elden Qazaqstanǵa tabıǵı gaz, shabdaly, shıe, etılen polımerleri, órik, qara órik, júzim syndy ónimder jetkiziledi.