Qazaqstan-Ózbekstan shekarasynda kontrabandalyq zattar tárkilendi

<p>AQTAÝ. KAZINFORM &ndash; Mańǵystaý oblysy aýmaǵyna 4600 elektrondy temeki men 264 lıtrlik vıskı bótelkelerin zańsyz ákelmek bolǵan azamat ustaldy.</p>

Mańǵystaý oblysy boıynsha Memlekettik kirister departamentiniń málimetinshe, Qazaqstannyń aýmaǵyna ákelýge tyıym salynǵan, deklaratsııalanbaǵan spırttik ishimdikter men elektrondyq temeki partııasy «Tájen» keden beketinde anyqtaldy.

— 1 jeltoqsan kúni Qazaqstan–Ózbekstan shekarasynda ornalasqan «Tájen» keden beketinde jolaýshylar jáne kólik aǵynyn baqylaý barysynda Yutong kóliginiń bagajyn tekserý kezinde 22 qorap Jack Daniels vıskıi tabylǵan. Sonymen qosa, 460 qorap Waka elektrondy temekisi shyqty. Onyń 1 qorabynda 10 dana temeki bar. Atalǵan derek boıynsha tergeý júrgizilip, saraptama taǵaıyndaldy, — delingen habarlamada.

Buǵan deıin, Ulttyq qaýipsizdik komıteti «Cola» sýsynyna qosylǵan esirtkiniń iri partııasynyń jolyn keskeni týraly jazǵan bolatynbyz.