Qazaqstan-Ózbekstan memlekettik shekarasyn shegendeý týraly shart BUU Hatshylyǵyna tirkeý úshin tabystaldy

<p>NЬıÝ-IORK. KAZINFORM &mdash; BUU Bas Assambleıasynyń 79-shy sessııasynyń joǵary deńgeı aptalyǵy qarsańynda Uıym Jarǵysynyń 102-babyna sáıkes Qazaqstan Respýblıkasy men Ózbekstan Respýblıkasy arasyndaǵy Qazaqstan-Ózbekstan memlekettik shekarasyn shegendeý týraly shartty BUU Hatshylyǵynda tirkeý jáne jarııalaý úshin qajetti qujattar ótkizildi. Bul týraly QR Syrtqy ister mınıstrliginiń baspasóz qyzmeti málim etti.</p>

«Shartqa Qazaqstan Respýblıkasynyń Prezıdenti Qasym-Jomart Toqaev pen Ózbekstan Respýblıkasynyń Prezıdenti Shavkat Mırzıeev 2022 jylǵy 22 jeltoqsanda Qazaqstan basshysynyń Tashkentke memlekettik sapary barysynda qol qoıyp, ol 2023 jylǵy 4 shildede kúshine endi», — delingen aqparatta.

Bul qujat Qazaqstan-Ózbekstan memlekettik shekarasyn halyqaralyq-quqyqtyq resimdeý boıynsha kópjyldyq birlesken jumystyń nátıjesi boldy.

Aǵymdaǵy jyldyń 25 qyrkúıeginde Nıý-Iorkte BUU Bas Assambleıasy sessııasynyń alańynda ótken kezdesý barysynda Qazaqstan men Ózbekstannyń syrtqy saıası vedomstvolarynyń basshylary memlekettik shekarany shegendeý týraly shartty BUU Hatshylyǵynda tirkeý Ortalyq Azııa óńiri elderi úshin mundaı qujattarǵa qatysty teńdessiz tájirıbe bolyp tabylatynyn atap ótti.

Qujattyń tarıhı mańyzdylyǵyna nazar aýdarylyp, bul qadam eki eldiń tatý kórshilik pen máńgilik dostyq qaǵıdattaryna, odaqtastyq qatynastar rýhyna, ortaq órkendeý ıgiligi úshin ózara tıimdi yntymaqtastyqqa beıildiginiń kezekti rastaýy ekenin, sondaı-aq Ortalyq Azııadaǵy qaýipsizdik pen turaqtylyqty odan ári nyǵaıtýǵa yqpal etetini atalyp ótti.