Qazaqstan óz armııasyn otandyq zamanaýı baılanys quraldarymen qamtamasyz etýge kóshti

ASTANA. QazAqparat - Qazaqstannyń Qarýly kúshterinde áskerı qyzmetshiler «S.M. Kırov atyndaǵy zaýyt» AQ «Qazaqstan ınjınırıng» UK» AQ-tyń enshiles kásipornynda óndirilgen baılanys quraldarynyń tájirıbelik-áskerı paıdalanylýda.

QR Qorǵanys mınıstrliginiń baspasóz qyzmetiniń habarlaýynsha, qýattylyǵy ortasha «Qaraǵaı» radıostantsııasy men «Aqterek» radıorelelik stantsııasy, sondaı-aq,  qurastyrý jáne tehnologııalyq qujattama 2015 jyly «S.M.Kırov atyndaǵy zaýyt» AQ-tyń mamandarymen 2015 jyly ázirlendi. 

«Qaraǵaı radıostantsııasy (bir ýaqytta júzege asyrylatyn ekijaqty baılanysty) dýpleksti arnalardy nemese sımpleksti baılanysty radıojelige nemese radıobaǵytqa (baǵyt bir jaqqa júzege asyrylatyn eki abonent arasyndaǵy birjaqty baılanys) uıymdastyrý úshin arnalǵan. «Aqterek» radıorelelik stantsııasy basqarýdyń strategııalyq, jedel-strategııalyq  jáne jedel býynnyń arnaıy maqsattaǵy jelilerinde úzdiksiz rejimde jumys jasaıtyn jıilikterdiń santımetrlik dıapazonynyń radıorelelik baılanys jelisin uıymdastyrý úshin arnalǵan.

«Qaraǵaı» men «Aqterek» stantsııalary áskerı synamalardan sátti ótti jáne halyqaralyq «KADEX-2016» qarý-jaraq pen áskerı-tehnıkalyq múlik kórmesinde usynylyp, mamandardyń joǵary baǵasyna ıe boldy.