Qazaqstan Ortalyq Azııanyń qaýipsizdigine yqpal etip keledi - Lıtva Seımi

ASTANA. QazAqparat - Qazaqstan BUU Qaýipsizdik keńesindegi músheligi kezinde halyqaralyq shıelenisterdi retteýde eleýli yqpalyn tıigizdi. Búgin Astanada QR Tuńǵysh Prezıdenti kúnine arnalǵan halyqaralyq parlamenttik konferentsııada Lıtva Respýblıkasynyń Seımi tóraǵasynyń orynbasary Remıgıýs Jemaıtaıtıs málim etti, dep habarlaıdy QazAqparat.

«Qazaqstan Ortalyq Azııa elderi arasynda óziniń mańyzdy geografııalyq jaǵdaıymen, mádenıetimen, tabıǵı resýrstar baılaǵymen erekshelenip tur. Atap aıtqanda, Qazaqstan Lıtvanyń Ortalyq Azııadaǵy mańyzdy seriktesi. Bizdiń elder tabysty túrde damyp keledi jáne ózara dostyq qatynastar men ekijaqty saıası dıalog ornatylǵan», - dedi R. Jemaıtaıtıs.

Osy oraıda, eki el arasynda birqatar salalarynda eleýli jobalar bar ekenin atap ótti.

«Qazaqstan EO-nyń mańyzdy seriktesi ekenin bilesizder. ıAdrolyq qarýdan bas tartqannan keıin, Qazaqstan Ortalyq Azııadaǵy qaýipsizdikti nyǵaıtýǵa yqpal etip keledi. Sonymen qatar, Lıtva eli de osy óńirdegi turaqtylyq pen qaýipsizdiktiń saqtalýyna janashyrlyqpen qaraıdy. Ózderińiz bilesizder, Qazaqstan BUU Qaýipsizdik keńesindegi músheligi kezinde halyqaralyq shıelenisterdi retteýde jáne lańkestikpen kúres baǵytynda eleýli yqpalyn tıgizdi», - dedi ol.

Budan buryn habarlanǵandaı, búgin Astanada QR Tuńǵysh Prezıdenti kúnine arnalǵan «Astana - jahandyq ıntegratsııa, qaýipsizdik jáne beıbitshilik ortalyǵy» taqyrybynda halyqaralyq parlamenttik konferentsııa bastaldy

Konferentsııa barysynda Ózbekstan Olıı Majlısiniń spıkeri Nýrıdjon Ismoılov Elbasy maqalasyna qatysty pikir bildirdi.

Sonymen qatar, Túrkııanyń Uly Ulttyq jınalysy tóraǵasynyń orynbasary Mýstafa Shentop Elbasynyń «Uly dalanyń jeti qyry» maqalasy týraly óz oıyn aıtty.