Qazaqstan Ortalyq Azııaǵa qandaı taýarlar eksporttaıdy
«Ótken jyly Ortalyq Azııa elderimen taýar aınalymy shamamen 4,6 mlrd dollarǵa jetti. Onyń ishindegi eń iri seriktes – Ózbekstan, onda biz shamamen 2,1 mlrd dollarǵa bıdaı, un, munaı jáne munaı ónimderin, metaldar men metaldan jasalǵan buıymdar eksporttaımyz», - dedi Saýda mınıstri Ortalyq kommýnıkatsııalar qyzmetinde ótken baspasóz máslıhatynda.
Mınıstrdiń aıtýynsha, búginde kooperatsııa aıasynda mashına jasaý ónimderiniń paıda bolýy da óte mańyzdy.
«Tájikstanǵa shamamen 800 mln dollar bolatyn bıdaı, tabıǵı gaz, munaı ónimderi, kómir jiberemiz, Qyrǵyzstanǵa – 562 mln dollarǵa baǵalanatyn shamamen osyndaı ónim jetkizdik. Importqa kelsek, toqyma, qurylys materıaldaryn jáne maýsymdyq jemis-kókónis ónimderin alamyz» - dedi Baqyt Sultanov.
Aıta keteıik, QR Saýda jáne ıntegratsııa mınıstri Baqyt Sultanov halyq aldyndaǵy eseptik kezdesýiniń qorytyndysy boıynsha onlaın baspasóz konferentsııasyn ótkizip jatyr.