Qazaqstan Ortalyq Azııa elderiniń jastar keńesin qurýdy usyndy
11-12 maýsymda Tashkentte QR Din isteri jáne azamattyq qoǵam vıtse-mınıstri Abzal Núkenov «Ekstremızmge kúshteý jáne terrorızmge ákeletin radıkaldaýǵa qarsy is-qımyl jáne aldyn alýda jastardyń róli týraly» taqyrybynda ótken halyqaralyq konferentsııanyń jumysyna qatysty.
Konferentsııany Ózbekstandaǵy EQYU Jobalarynyń úılestirýshisi, Ózbekstan Respýblıkasy Olıı Májilisiniń Senaty jáne Birikken Ulttar Uıymy uıymdastyrdy. Eki kúndik konferentsııa ekstremızmge kúshteý jáne radıkaldanýdy boldyrmaý úshin jastardy tartý qajettigi týraly habardarlyǵyn arttyrý jáne saıası usynymdaryn ázirleýge baǵyttalady.
Konferentsııaǵa halyqaralyq uıymdardyń basshylary, Ortalyq Azııa elderiniń memlekettik organdarynyń jáne ÚEU ókilderi, sarapshylar qatysty.
Vıtse-mınıstr Abzal Núkenov «Ekstremızmge jáne terrorızmge kúshteýge qarsy is-qımyldaǵy memleket pen azamattyq qoǵamnyń yntymaqtastyǵy» paneldik sessııasynda sóz sóıledi jáne memleket pen dinniń ózara is-qımylynyń ózindik modelin qalyptastyrý boıynsha, Qazaqstandaǵy jastardyń damýy men áleýmettenýine jaǵdaı jasaý úshin júrgizilip jatqan jumys týraly aıtty.
«Biz jastardy jan-jaqty damýyna qolaıly jaǵdaı jasaýymyz qajet. Bizdiń maqsatymyz - jastardy qoljetimdi bilimmen, jumyspen, sapaly bos ýaqyttaryn sapaly ótkizýdi qamtamasyz etý. Osy baǵytta tıisti keshendi jumys júrgizilýde», - dedi A. Núkenov.
Vıtse-mınıstr Ortalyq Azııa elderi jastarynyń keńesin qurý múmkindigin qarastyrýdy usyndy.
«Qazirgi tańda Ortalyq Azııa keńistiginde yntymaqtastyqty damytý jáne ortaq máseleler boıynsha birigip sheshim qabyldaýǵa jańa múmkindikter ashylýda. Jumysty júıeli júrgizýdiń tıimdi mehanızmderiniń biri retinde áriptesterge ártúrli sala ókilderinen quralatyn jastardy qamtıtyn Ortaazııalyq aımaq elderiniń Jastar keńesin qurý múmkindigin qarastyrýdy usynamyz. Keńes aıasynda biz ózekti máselelerdi, onyń ishinde ekstremızmniń jáne terrorızmniń aldyn alý máselelerin talqylaı alatyn edik», - dedi vıtse-mınıstr.
Qatysýshylar jastar arasynda ekstremızmge jáne terrorızmge ákeletin radıkaldanýdyń aldyn alý jáne oǵan qarsy is-qımyl boıynsha keshendi tásilderdi talqylap, dinı radıkalızmge qarsy kúreste jastardyń áleýetin tıimdi paıdalaný jóninde Ortalyq Azııa elderine arnalǵan usynymdar ázirledi.
Sonymen qatar, konferentsııa barysynda Ózbekstan Respýblıkasy Olıı Májilisiniń senaty tóraǵasynyń orynbasary Sadyk Safaev, EQYU Bas hatshysy Tomas Gremınger, BUU Bas hatshysynyń jastar isi jónindegi ýákili Djaıatma Vıkramanaıake, BUU Kontrterrorıstik basqarma dırektory Jehangır Han, EO-nyń Ortalyq Azııa boıynsha arnaıy ókili Pıter Býrıan, Ózbekstan Respýblıkasy Prezıdentiniń jastar isi jónindegi memlekettik keńesshisi, Ózbekstan jastarynyń odaǵy Ortalyq keńesiniń tóraǵasy Kahramon Kýranbaev sóz sóıledi.