Qazaqstan Ortalyq Azııa ekonomıkalyq yntymaqtastyǵy ınstıtýtyn qurý kelisimin ratıfıkatsııalady
«Ortalyq Azııa óńirlik damý boıynsha uıym sheńberinde shamamen 23 jyl jumys istep kelemiz. Bul uıym osyndaı ınstıtýtty qurý úshin tıisti usynys bergen, ınstıtýtty qurý úshin kelisimdi ratıfıkatsııalaýǵa 11 el qatysyp jatyr. 10 el ratıfıkatsııa jasady, endi Qazaqstan eń sońǵy bolyp ratıfıkatsııalaıdy. Bizdiń eldiń sońynan ratıfıkatsııalaý sebebi – kelisim jobasyn barlyq eldermen kelisip shyqtyq, birneshe bapty muqııat jan-jaqtan qarastyrdyq», - dedi QR Ulttyq ekonomıka mınıstri Álibek Qýantyrov Jibek Joly telearnasynyń stýdııasynda.
Mınıstrdiń aıtýynsha, Ortalyq Azııa óńirlik ekonomıkalyq yntymaqtastyq ınstıtýtyn qurýǵa 7 halyqaralyq uıym qatysqan.
Onyń ishinde Azııa damý banki, Dúnıejúzilik bank, Eýropalyq bank jáne basqalary bar.
Atalǵan ınstıtýttyń negizgi maqsaty – bizdiń aımaqty damytý jáne ınfraqurylym salý, ol úshin elder arasynda tıisti zertteýlerdi, ásirese ekonomıkalyq baǵytta taldaý júrgizý kerek.
«Qazaqstanda ınstıtýt fılıalyn ashý quqyǵy bar, biraq ony josparlap otyrǵan joqpyz. Óıtkeni, oǵan qarajat bólý kerek, ózimizdiń qarjylaı úlesimizdi qosý kerek bolady. Qazirgi tańda ınstıtýt halyqaralyq qarjy uıymdarynan, onyń ishinde Azııa damý bankinen qarjylandyrylyp jatyr. Árıne, fılıal ashýdyń da birneshe artyqshylyǵy bar. Mysaly, elimizde bıznes-týrızmdi damytý, zertteý naryǵyn damytý múmkindikteri ashylady. Tek qana otandyq mamandar emes, halyqaralyq ǵalymdar sol zertteýlerge qatysýǵa múmkindik alady. Biraq, joǵaryda aıtqanymdaı, fılıal ashý josparymyzda joq», - dedi Ulttyq ekonomıka mınıstri.