Qazaqstan Ortalyq Azııadaǵy EO-nyń negizgi seriktesine aınaldy – ıAnýsh Voıchehovskı

<p>ALMATY. KAZINFORM &ndash; Qazaqstanǵa alǵash ret Eýropalyq Odaqqa múshe 16 elden agroazyq-túlik salasyndaǵy 40-tan astam kásipker keldi. Іssapar eldegi agroónerkásip pozıtsııalaryn nyǵaıtýǵa baǵyttalǵan.</p>

Sheteldik bıznes-delegatsııany bastap kelgen eýropalyq aýyl sharýashylyǵy komıssary ıAnýsh Voıchehovskıdiń aıtýynsha, Azııa men Eýropanyń toǵysqan jerinde ornalasqan Qazaqstan ǵasyrlar boıy saýda men tranzıtti damytyp keledi. Búginde Qazaqstan Ortalyq Azııadaǵy EO-nyń negizgi seriktesine aınaldy.

«Qazirdiń ózinde de, Qazaqstan Ortalyq Azııa naryǵyna shyǵýǵa umtylatyn EO azyq-túlik jáne sýsyn óndirýshileri úshin negizgi qaqpa. Oǵan qosa, Qazaqstannyń ózi EO aýyl sharýashylyǵy eksportynyń mańyzdy baǵyty. Máselen, tek 2023 jyly bul eksport 702 mıllıon eýroǵa jetti. Qazaqstan sonymen qatar saýda-ekonomıkalyq qatynasty retteıtin EO-men keńeıtilgen seriktestik pen yntymaqtastyq týraly kelisimge (EPCA) qol qoıǵan Ortalyq Azııadaǵy EO-nyń alǵashqy seriktesi. Bul kelisim aýylsharýashylyq ónimderi men azyq-túlik, sharap jáne spırttik ishimdikterge arnalǵan geografııalyq belgilerdi (GB) qorǵaý hattamasy boıynsha júrgizilip jatqan kelissózderimizdiń negizi», - deıdi ıAnýsh Voıchehovskı.

Spıkerdiń sózinshe, Qazaqstanǵa Eýropalyq Odaqqa múshe memleketterdiń agroazyq-túlik saýdasyn arttyrýǵa áleýeti zor jáne tanymal kásipkerler keldi.

«Bul joǵary deńgeıdegi sapar – bizdiń Qazaqstanmen seriktestigimiz ben ekijaqty aýylsharýashylyq azyq-túlik saýdasyn odan ári nyǵaıtýǵa nıetti ekenimizdi kórsetedi», - dedi ol.