Qazaqstan orbıtada telekommýnıkatsııalyq jer serikteriniń tobyn jasaqtaýda

ASTANA. QazAqparat - Qazirgi kezde Qazaqstan áleýmettik-ekonomıkalyq múddege oraı ǵaryshtyq qyzmettiń nátıjelerin tıimdi paıdalaný úshin birqatar ǵaryshtyq joǵary tehnologııalarǵa, jer betindegi sońǵy býyndy ǵaryshtyq ınfraqurylymǵa ıe bolyp otyr jáne arnaıy daıarlyqtan ótken mamandardyń qataryn jasaqtady.

Atap aıtqanda, elimizde qazirgi zamanǵy ǵarysh salasyn qurý men ony arqy qaraı damytý Qazaqstannyń ǵylymı-tehnıkalyq jetistigi men qaýipsizdiginiń senimdi negizi bolady.

Búginde «QazSat-2» ǵarysh apparaty shtattyq rejimde jumys jasaýda. Jer seriginiń qazirgi atqaryp otyrǵan júktemesi 69 paıyzdy quraıdy. Jalpy ǵarysh apparaty Qazaqstandaǵy 12 spýtnıktik baılanys operatorlaryna spýtnıktik qamtymdylyq qyzmetin usyný boıynsha qyzmetter kórsetip keledi.

Qazirgi kúni Qazaqstandaǵy jáne bir «QazSat-3» jer serigi óziniń ushyrý-ǵaryshtyq synaý jumystaryn aıaqtaýǵa jaqyn.

Eske sala keteıik, aǵymdaǵy jyldyń sáýirinde jiberilgen «QazSat-3» «QazSat-2»-ni tolyqtyratyn bolady.