Qazaqstan OPEK+ kelisiminiń saqtalýyn baqylaý tobyna kiredi

ASTANA. QazAqparat - Bakýde ótetin OPEK+ monıtorıng komıtetiniń otyrysyna Qazaqstan onyń múshesi retinde qatysatyn bolady. Bul týraly búgin QR Energetıka vıtse-mınıstri Maǵzum Myrzaǵalıev aıtty, dep habarlaıdy QazAqparat tilshisi.

«Bizdi shaqyrdy, osy jyldan bastap kiremiz, is júzinde kirdik desek te bolady. Munda qandaı da bir naqty protsedýra qarastyrylmaıdy. Mınıstrler deńgeıindegi alǵashqy otyrys naýryz aıynda Bakýde ótedi dep josparlanǵan. Atalǵan monıtorıngtik komıssııanyń otyrysyna biz de qatysamyz», - dedi vıtse-mınıstr Energetıka mınıstrliginiń keńeıtilgen alqa májilisinen keıin BAQ ókilderine bergen suhbatynda.

Esterińizge sala keteıik, OPEK+ monıtorıng komıtetiniń 13-shi otyrysy 13 naýryz kúni Baký qalasynda ótedi. Komıtet OPEK+ kelisiminiń saqtalýyn baqylaý jáne ony túzetý týraly usynystar ázirleý úshin qurylǵan bolatyn.