Qazaqstan OPEK+ kelisimi boıynsha táýligine 1,655 mln barrel munaı óndirmek

NUR-SULTAN. QazAqparat – Búgin OPEK+ kelisimine qatysýshy elderdiń mınıstrlik otyrysy beınekonferentsııa formatynda ótti. Bul týraly QazAqparat Energetıka mınıstrligine silteme jasap habarlaıdy.

Otyrysqa Qazaqstan atynan Energetıka mınıstri Bolat Aqsholaqov qatysty.

Otyrys barysynda naýryz aıynda kelisim taraptarynyń mindettemelerdi oryndaýy talqylandy.

Otyrys qorytyndysy boıynsha shekteýlerdi tolyq alyp tastaǵanǵa deıin OPEK+ elderiniń aǵymdaǵy óndirý deńgeıin aı saıyn táýligine 432 myń barrelge arttyrýdy jalǵastyrý týraly sheshim qabyldandy.

2022 jylǵy maýsymdaǵy mindettemeler táýligine 1,655 mln barreldi quraıdy.

Asyra oryndalǵan kólemderdi óteý kezeńi 2022 jylǵy maýsymnyń sońy bolyp qalady.