Qazaqstan OPEK+ kelisimi aıasynda munaı óndirýdi ulǵaıtpaq
22:11, 01 Sáýir 2021
NUR-SULTAN. QazAqparat – 1 sáýirde OPEK+ kelisimine qatysýshy elderdiń mınıstrlik otyrysy beınekonferentsııa formatynda ótti, dep habarlaıdy QR EM baspasóz qyzmeti.
Otyrys qorytyndysy boıynsha OPEK+ elderiniń aǵymdaǵy óndirý deńgeıin mamyrda táýligine 350 myń barrelge, maýsymda táýligine 350 myń barrelge jáne shildede táýligine 450 myń barrelge ujymdyq ulǵaıtý týraly sheshim qabyldandy.
Osylaısha, OPEK+ sheńberindegi Qazaqstan úshin mindettemeler mamyrda táýligine 1,463 mln barreldi, maýsymda táýligine 1,469 mln. barreldi jáne shildede táýligine 1,475 mln barreldi quraıdy.