Qazaqstan OPEK+ aıasynda munaı óndirisin azaıtý kelisimin ári qaraı uzartady

<p>ER-RIıAD. KAZINFORM — 2023 jyldyń sáýiri men qarashasynda erikti qysqartý týraly jarııalaǵan OPEK+ elderi, sonyń ishinde Saýd Arabııasy, Reseı, Irak, BAÁ, Kýveıt, Qazaqstan, Aljır jáne Oman jáne basqa elder (ONOMM) 37-shi mınıstrler jınalysynda kezdesti. Bul jaıynda Energetıka mınıstrliginiń baspasóz qyzmetinen habarlandy. </p>

Kezdesý OPEK+ elderiniń munaı naryqtaryndaǵy turaqtylyq pen tepe-teńdikti saqtaý boıynsha saqtyq sharalaryn kúsheıtý maqsatynda ótti.

Elder 37-shi ONOMM-nyń sońǵy sheshimderinen basqa, 2023 jyldyń sáýirinde jarııalanǵan kúnine 1,65 mıllıon barrelge qosymsha erikti qysqartýdy 2025 jyldyń jeltoqsan aıynyń sońyna deıin uzartý jóninde sheshim qabyldady.

Sonymen qatar, bul elder 2023 jyldyń qarashasynda jarııalanǵan 2,2 mıllıon barrel táýliktik qosymsha erikti qysqartýdy 2024 jyldyń qyrkúıek aıynyń sońyna deıin uzartýǵa, sodan keıin naryqtyń turaqtylyǵyn saqtaý úshin 2025 jyldyń qyrkúıek aıynyń sońyna deıin aı saıyn birtindep azaıtýǵa kelisti.

Bul aı saıynǵy ósim naryqtyq jaǵdaıǵa baılanysty toqtatylýy nemese joıylýy múmkin.

Keńeske qatysýshylar Irak Respýblıkasy, Reseı Federatsııasy jáne Qazaqstan Respýblıkasy qabyldaǵan mindettemelerdi tolyq oryndaýdy qamtamasyz etýge jáne 2024 jyldyń maýsym aıynyń sońyna deıin artyq oryndalǵan kólemderdiń ótemaqysynyń jańartylǵan kestesin OPEK Hatshylyǵyna qaıta usynýǵa ýaǵdalasty.