Qazaqstan Ońtústik Azııa memleketterimen áskerı yntymaqtastyqty damytýda

NUR-SULTAN. QazAqparat - Qazaqstan Respýblıkasynyń Qorǵanys mınıstri general-leıtenant Nurlan Ermekbaev Úndistan Respýblıkasyna resmı sapar jasady, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Úndistan qorǵanys mınıstri Radjnat Sınghpen ótken kezdesý barysynda bitimgerlik, jaýyngerlik daıarlyq, kıberqaýipsizdik, áskerı bilim men ǵylym salasyndaǵy tájirıbe almasý máseleleri talqylandy.

Úndistan Premer-Mınıstriniń ulttyq qaýipsizdik jónindegi keńesshisi Adjıt Dovalmen óńirlik jáne jahandyq qaýipsizdik, qazirgi kezeńdegi qaýip-qaterler, lańkestikke, koronovırýs pandemııasyna qarsy is-qımyl máselelerine qatysty pikir almasty.

Sapar aıasynda general-leıtenant N.Ermekbaev birqatar áskerı bólimderdi aralap, ol jerde jaýyngerlik daıarlyqtyń, taktıkalyq is-qımyldyń, áskerdi basqarý tásilderiniń erekshelikterimen tanysty.