Qazaqstan óńirlerinde balalar ombýdsmenderiniń jańa quramy jasaqtaldy
Oǵan joǵary synyp oqýshylary, mektep parlamentiniń kóshbasshylary, belsendiler, eriktiler qatarynan 40 jastar ókili endi.
Bul bastama balanyń quqyqtaryn iske asyrýǵa jáne ózin-ózi basqarý qyzmeti arqyly balalardyń qoǵamdyq ózgeristerge belsendi qatysýyna baǵyttalǵan.
«Balalardyń daýysy eresekterge jetýi tıis jáne olar ózderiniń ál-aýqatyna áser etetin barlyq másele boıynsha sheshim qabyldaýǵa qatysýǵa quqyly. Balalardyń óz quqyqtaryn bilýi jáne túsinýi, olardy júzege asyrýy, qorǵaýy úshin qolaıly jaǵdaı jasaý mańyzdy. Balalar ókildikteri balalardyń ál-aýqatyn qamtamasyz etýdiń mańyzdy quralynyń birine aınalady», — dep atap ótti QR Oqý-aǵartý mınıstrligi Balalardyń quqyqtaryn qorǵaý komıteti tóraǵasynyń orynbasary ıÝlııa Ovechkına.
Balalar ókildikteri óz qatarlastarynyń quqyqtaryn qorǵaý, olardyń áleýmettik bastamalaryn qoldaý jónindegi ózekti problemalardy sheshýge járdemdesip, balalar múddesi úshin memlekettik saıasatty qalyptastyrýǵa, balalyq shaq máseleleri boıynsha normatıvtik quqyqtyq aktilerdi ázirleýge balalardyń ıntellektýaldyq áleýetin tartýǵa, balalar ortasynda quqyqtyq mádenıetti, azamattyq kózqarasty jáne áleýmettik jaýapkershilikti qalyptastyrýǵa qatysa alady.
Sondaı-aq balalar ombýdsmenderi balalar quqyqtary jónindegi óńirlik ýákildermen yntymaqtastyqta jumys jasaý arqyly barlyq balalardyń múddelerin neǵurlym tıimdi qorǵaýǵa atsalysady.
Aıta keteıik, balalar ombýdsmenine saılaý jyl saıyn ótkiziledi.
Buǵan deıin tutynýshylardyń quqyqtaryn qorǵaý salasyna Ombýdsmen engizý usynylǵan edi.