Qazaqstan onlaın-qyzmetter ındeksi boıynsha 10 kóshbasshy eldiń qataryna kirdi

<p>Búginde BUU baǵalaýy boıynsha Qazaqstan tsıfrlandyrý salasynda ilgeri jetistikterdi kórsetip otyr. Bizdiń elimiz 193 memleket arasynda 24-shi orynda, sondaı-aq onlaın-qyzmetter ındeksi boıynsha 10 kóshbasshynyń qataryna kiredi. Bul týraly Úkimettiń baspasóz qyzmeti málimdedi.</p>

Qazaqstanda ınternet arqyly memlekettik qyzmetterge qol jetkizý 92%-ǵa jetti.

Sonymen qatar bıometrııalyq sáıkestendirý jáne QR-qoltańba qyzmetteri engizilýde, bul elektrondy qyzmetterdi alý úderisin edáýir jeńildetti. 2024 jyly QR-kodtardyń kómegimen 8 mln-nan astam qol qoıyldy, al Digital ID júıesi arqyly 18 mln-nan astam sáıkestendirý júrgizildi.

«Elektrondy úkimet» platformasyn jetildirý jáne jańǵyrtý protsesi úzdiksiz jáne úshinshi nusqaǵa kóshýdiń belsendi kezeńinde. Jańa eGov JI tehnologııalaryn qoldaný arqyly aıtarlyqtaı turaqty ári yńǵaıly bolady.

Qazaqstan Tájikstan, Togo, Serra-Leone sııaqty eldermen elektrondy úkimet salasyndaǵy ozyq sheshimderin bólise bastady. Memleket tirkeýden bastap kompanııalardy taratýǵa deıingi qoldaýdyń tolyq tsıklin qamtamasyz ete otyryp, bıznes úshin de osyndaı servısterdi ázirleıdi.

Eske sala keteıik, buǵan deıin 2025 jylǵa qaraı 20 myń IT-maman daıarlanatynyn jazǵan bolatynbyz.