Qazaqstan olımpıadalyq quramaǵa legıonerlerdi tartqan joq - QR MSM

ASTANA. QazAqparat - QR Mádenıet jáne sport mınıstri Arystanbek Muhamedıuly Qazaqstan tórt jyldan beri olımpıadalyq quramaǵa legıonerlerdi tartpaǵanyn málim etti, dep habarlaıdy QazAqparat.

«Qazaqstan quramasy 2018 jylǵy Olmpıada oıyndaryna kóp joldamany jeńip aldy. Eń kóp joldama Sochıde (Olımpıada) boldy, ıaǵnı 60 joldama. Alaıda bul turǵyda atap óter jaıt, Sochıge legıoner sportshylar tartylǵan bolatyn. Tórt jyldyń barysynda, sonymen qatar Rıo dodasy men qazirgi jarysqa sportshylardy tartý (legıonerlerdi) tájirıbesi bolǵan joq. Biz tek qazaqstandyq sportshylardy tárbılep jatyrmyz. Aldaǵy Olımpıadaǵa 46 sportshy qatysady, onyń ishinde Kım Iong A-dan basqa 45-i Qazaqstanda tárbıelenip shyqty. Biraq ta Kım Iong A birazdan beri Qazaqstannyń quramasy atynan shyǵyp júrgeni belgili», - dedi mınıstr Úkimet otyrysynda.

Ońtústik Koreıanyń Phenchhan qalasynda ótetin XXIII Olımpıada oıyndarynyń bastalýyna týra 10 kún ýaqyt qaldy. Osyǵan deıin habarlaǵanymyzdaı tórtkil dúnıe kóz tigetin basty dodaǵa Qazaqstan quramasy 57 joldama jeńip alǵan bolatyn. Otandastarymyz sporttyń 9 túrinen synǵa túsedi.

Budan buryn habarlanǵandaı, Úkimet otyrysynda QR Premer-Mınıstri Baqytjan Saǵyntaev Olımpıadaǵa qatysatyn sportshylarǵa jeńis tiledi.

Sondaı-aq, sportshylarymyz týystarymen uıaly baılanysqa shyǵýy úshin demeýshiler esebinen 30 mln teńge qosymsha bólingen.