Qazaqstan ólim jazasyn joıý týraly halyqaralyq qujatqa qosylý protsesin aıaqtady

NЬıÝ-IORK. QazAqparat - Qazaqstannyń BUU janyndaǵy Turaqty ókili Maǵjan Іlııasov ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktige ekinshi Fakýltatıvtik hattamany ratıfıkatsııa jóninde qujatty BUU depozıtarııine saqtaýǵa tapsyrdy. Bul týraly QazAqparat SІM silteme jasap habarlaıdy.

Bul qadam elimizdiń adam quqyqtaryn qorǵaýǵa jáne osy saladaǵy óziniń halyqaralyq mindettemelerin oryndaýǵa degen berik beıildiligin rastaıdy.

Qazaqstan hattamaǵa qosylǵan BUU-ǵa múshe 193 memlekettiń ishinen 90-shy memleket boldy.

Qazaqstannyń osy halyqaralyq qujatqa qosylý jolyndaǵy alǵashqy qadamy onyń 2020 jylǵy 23 qyrkúıekte Nıý-Iorkte qol qoıýy boldy. Sodaın keıin, 2021 jylǵy 2 qańtarda QR Prezıdenti Qasym-Jomart Toqaev osy qujatty ratıfıkatsııalaý týraly Zańǵa qol qoıdy.

Hattama erejelerine sáıkes eldiń ulttyq qylmystyq zańnamasyn hattama normalaryna sáıkes keltirý talap etildi.

2021 jylǵy 29 jeltoqsanda Memleket basshysy «Qazaqstan Respýblıkasynyń keıbir zańnamalyq aktilerine ólim jazasyn joıý máselesi boıynsha ózgerister men tolyqtyrýlar engizý týraly» Zańǵa qol qoıdy.

Osylaısha, ekinshi Fakýltatıvtik hattamaǵa qosylý Qazaqstanda ólim jazasynyń tolyq joıylýyn bekitip, qylmystyq zańnamany jalpy izgilendirý baǵytyn jalǵastyrdy.

Ólim jazasyn qoldaný Qazaqstan Respýblıkasynda QR Prezıdentiniń 2003 jylǵy 17 jeltoqsandaǵy tıisti moratorıı engizý týraly Jarlyǵymen toqtatyldy.2022 j. 16 naýryzda Qazaqstan halqyna jasaǵan «Jana Qazaqstan: jańarý men jańǵyrý joly» atty joldaýynda Memleket basshysy Qasym-Jomart Toqaev «ólim jazasyna tyıym salý týraly sheshimdi birjola bekitý úshin Konstıtýtsııaǵa tıisti ózgeris engizý qajet» degen usynys jasaǵan bolatyn.