Qazaqstan oqýshylary matematıkadan Balqan olımpıadasynda 6 medal jeńip aldy

ASTANA. QazAqparat – Albanııa astanasynda matematıkadan 27-shi Halyqaralyq jasóspirimder Balqan olımpıadasy (JBMO) aıaqtaldy. Oǵan Balqan túbeginen 20 el jáne qonaq elderden barlyǵy 130-ǵa jýyq oqýshy qatysty, dep habarlaıdy QazAqparat.

Oqý-aǵartý mınıstrliginen málim etkendeı, halyqaralyq matematıka jarysynda Qazaqstan qurama komandasy 6 medal jeńip alyp, 100% nátıje kórsetti.

Jeńimpazdar:

- Almaty qalasynyń «Respýblıkalyq fızıka-matematıkalyq mektebi» KeAQ 9-synyp oqýshysy Amırlan Amanjolov –– altyn medal;

- Aqtóbe oblystyq daryndy er balalarǵa arnalǵan «Bilim-Innovatsııa» mamandandyrylǵan lıtseı-ınternatynyń 9-synyp oqýshysy Serik Murzabek –– kúmis medal;

- Aqtóbe oblystyq daryndy er balalarǵa arnalǵan «Bilim-Innovatsııa» mamandandyrylǵan lıtseı-ınternatynyń 9-synyp oqýshysy Erqanat Keńshilik –– kúmis medal;

- Shyǵys Qazaqstan oblystyq daryndy balalarǵa arnalǵan «Bilim-Innovatsııa» mamandandyrylǵan lıtseı-ınternatynyń 9-synyp oqýshysy Álınur Maratuly –– qola medal;

- Qaraǵandy oblystyq №1 «Bilim-Innovatsııa» lıtseı-ınternatynyń 9-synyp oqýshysy Janarys Teńdikov –– qola medal;

- Atyraý oblystyq №1 «Bilim-Innovatsııa» lıtseı-ınternatynyń 9-synyp oqýshysy Aıat Abdýllaev –– qola medal.

«Qatysýshylar matematıkalyq olımpıadalardyń erejelerine sáıkes qurastyrylǵan avtorlyq tapsyrmalar oryndady. Olardy sheshý úshin mindetti túrde erekshe tásil qajet. JBMO-ǵa qatysý – barlyq qatysýshylar úshin óte qysqa ýaqytta máselelerdi sheshýde óz qabiletin tekserýge jaqsy múmkindik», - deıdi top jetekshisi Vladımır Jýk.

Aıta keteıik, 19 jylda atalǵan olımpıadaǵa 114 qazaqstandyq oqýshy qatysyp, 15 altyn, 47 kúmis, 37 qola medal jeńip aldy.