Qazaqstan oqýshylary halyqaralyq olımpıadada bes pánnen 21 medal jeńip aldy
«Búgingi kúnge deıin oqýshylarymyz 5 pánnen 21 medal jeńip aldy. Ulttyq qurama qorjynynda 3 altyn, 13 kúmis jáne 5 qola medal bar. ıAǵnı 23 qatysýshynyń 21-i júldeli orynǵa ıe boldy. Bul jerde eń bedeldi halyqaralyq olımpıadalar týraly aıtyp otyrmyz. Bıyl tuńǵysh ret Prezıdenttiń qoldaýynyń arqasynda oqýshylarymyz 4,5 mln teńgege deıin qomaqty aqshalaı syıaqy alyp, UBT tapsyrmaı-aq JOO-ǵa grantqa túsý múmkindigine ıe bolady. Matematıkadan halyqaralyq olımpıadada (IMO) Qazaqstan quramasy 3 kúmis jáne 3 qola júldeni jeńip aldy. Komandamyz 174 upaı jınap, elimizdiń olımpıadaǵa qatysý tarıhyndaǵy jańa rekordyn ornatty. Komandalyq esepte elimiz 17-orynda, al bul - 12 jyldaǵy úzdik kórsetkish. Fızıkadan halyqaralyq olımpıadada oqýshylarymyz 1 altyn, 4 kúmis medal ıelendi. Bul - sońǵy 8 jyldaǵy eń jaqsy kórsetkish. Byltyr komandanyń qorjynyna 5 kúmis túsken bolatyn. Geografııadan halyqaralyq olımpıadada oqýshylarymyz ekinshi jyl qatarynan altyn medal jeńip aldy. Bıyl da 1 qola medalǵa ıe boldyq», - dep jazady mınıstri Facebook paraqshasynda.
Onyń aıtýynsha, bıologııadan halyqaralyq olımpıadanyń qatysýshylary 3 kúmis jáne 1 qola júlde jeńip alyp, byltyrǵy nátıjesin jaqsartqan.
Byltyr 1 kúmis jáne 2 qola medal, sondaı-aq bir Qurmet gramotasyn alǵan bolatyn.
Al zııatkerlik saıysqa qatysqan jas hımıkterimizdiń jumysyn óte joǵary baǵalaýǵa bolady. Olar 1 altyn jáne 3 kúmis jeńip aldy. Onyń ústine bul 2017 jyldan bergi alǵashqy «altyn» boldy.
«Salystyrmaly túrde alsaq, byltyr komandamyz 3 kúmis jáne 1 qola medalmen marapattalǵan bolatyn. Barlyq baǵytta oń ózgeris bar ekenin baıqaýǵa bolady. Bul balalarymyzdyń daıyndyq deńgeıin kórsetedi. Aldaǵy ýaqytta ınformatıka men lıngvıstıkadan olımpıada ótedi. Oqýshylarymyz elimizdiń namysyn abyroımen qorǵaıtynyna senimim mol. Oqýshylarymyzdy jetken jetistikpen quttyqtaımyn. Qoldaý kórsetken ata-analaryna jáne kásibı sheberligi úshin áriptesterime de alǵys aıtqym keledi» dep túıindedi sózin Ashat Aımaǵambetov.