Qazaqstan oqýshylary fızıkadan halyqaralyq olımpıadada 1 altyn, 4 kúmis medal aldy
«Ulttyq quramamyzdyń qorjyny taǵy da medaldarmen tolyqty. Oqýshylarymyz keremet nátıje kórsetip, fızıkadan halyqaralyq olımpıadada (IPhO) 1 altyn jáne 4 kúmis medal jeńip aldy. Jarys Tsıýrıh qalasynda (Shveıtsarııa) 10-15 shilde aralyǵynda ótti. Elimizdiń namysyn 5 oqýshy qorǵady. Olar 75 elden kelgen 368 jasóspirimmen synǵa tústi. Balalarymyz ótken jyly 5 kúmis ıe bolǵan edi. Osylaısha bıyl oqýshylarymyz byltyrǵy kórsetkishti jaqsarta aldy. Ulttyq qurama qorjynyna altyn medaldi Danııl Shatohın, kúmis medaldi Ersultan Pitebaı, Vladımır Lım, Dinmuhammed Rahymjanov jáne Rızabek Alpamys ákeldi», - dedi ol.
Mınıstr oqýshylardy úlken jetistikterimen quttyqtap, aldaǵy ýaqytta da jeńis tiledi.
«Osyndaı bedeldi halyqaralyq olımpıadalardyń jeńimpazdary aqshalaı syıaqy alyp, ulttyq joǵary oqý oryndaryna UBT tapsyrmaı-aq grantqa túse alatynyn eske sala keteıin. Sonymen qatar júldegerlerdiń pedagog-tálimgerleri de tólem alady», - dedi Ashat Aımaǵambetov.
Buǵan deıin matematıkadan IMO-2022 halyqaralyq olımpıadasyna qatysqan elimizdiń 6 oqýshysynyń 3-eýi kúmis, 3-eýi qola medal jeńip alǵanyn jazǵan edik.