Qazaqstan Novorossıısk portynyń turaqty jumysyn qamtamasyz etý bastamasyn kóteredi - mınıstr
«Bolǵan jaǵdaı boıynsha qazirgi jumys aıasynda Kaspıı qubyr konsortsıýmy turaqty jumysty qamtamasyz etti. KQK munaıdy saqtaý múmkindigimen baılanysty qajetti qýat kólemimen jabdyqtalǵan. Sondaı-aq, munaı jóneltýshiler bazasynda rezervýarǵa arnalǵan tıisti syıymdylyqtar qarastyrylǵan. Qubyrdyń turaqty jumysy ýaqtyly jóndeý, ınvestıtsııalar arqyly qamtamasyz etiledi. Porttyń qaýipsizdigin qamtamasyz etýge kelsek, Qazaqstan munaı termınalynyń jumysynan paıda alýshylar iri munaı tutynýshylary, onyń ishinde Eýropalyq odaqtan kelgender ekenine súıenip, osy porttyń turaqty jumysyn qamtamasyz etý boıynsha saıası deńgeıde bastama kóteretini sózsiz», - dep túsindirdi Almasadam Sátqalıev Úkimet kýlýarynda.
Mınıstr bul qubyrdyń jahandyq aýqymdaǵy ekonomıka úshin mańyzdylyǵyn, KQK turaqty jumysyna iri munaı óndirýshiler múddeli ekendigin eskere otyryp, mundaı jaǵdaılar eń az mólsherde bolady dep úmittenedi.
Jaqynda Kaspıı qubyr konsortsıýmy óz akvatorııasynda jáne Novorossıısk portynda kemelerdiń qozǵalysyna ýaqytsha tyıymnyń alynyp tastalǵanyn habarlady. Ýaqytsha tyıym 4 tamyzda KQK teńiz termınalynyń operatsııalyq qyzmetine jaqyn jerde ushqyshsyz qaıyqtardyń shabýylyn toıtarýǵa baılanysty engizilgen edi.