Qazaqstandyq Konstantın Malınovskıı nysana kózdeýden Parıj olımpıadasynyń joldamasyna qol jetkizdi, dep habarlaıdy Kazinform.
Ulttyq qurama sportshysy K.Malınovskıı Ońtústik Koreıanyń Changvon qalasynda ótip jatqan Azııa chempıonatynda 50 metrden pnevmatıkalyq vıntovkamen úsh pozıtsııadan oq atý básekesiniń fınalynda 5-orynnan kórindi.
Onyń enshisinde 590 upaı bar.
Bul – qazaqstandyq mergender qol jetkizgen úshinshi lıtsenzııa. Osyǵan deıin Azııa chempıonatynda Arına Altýhova, al jazda álem chempıonatynda alǵashqy joldamany Islam Sátpaev qorjynǵa salǵan.
Nysana kózdeýde lıtsenzııa jekelegen sportshylarǵa emes, ulttyq federatsııaǵa beriledi.
Jalpy, bıylǵy sary qurlyq chempıonatynda olımpıadanyń 24 lıtsenzııasy sarapqa salynyp jatyr.
Eske sala keteıik, budan buryn Qazaqstannyń oq atýdan olımpıada joldamasyn alǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).