Qazaqstan NEET jastar úlesin 2021 jyly 6 paıyzǵa tómendetpek
«Belgilengen sharalar Qazaqstandaǵy NEET jastardyń úlesin azaıtýda mańyzdy qural bolýy tıis. Ózderińiz biletindeı, NEET – bul jumyspen qamtylmaǵan jáne bilim berý protsesine tartylmaǵan jastardy belgileý úshin qoldanylatyn halyqaralyq termın. Halyqaralyq eńbek uıymynyń málimetteri boıynsha, álemdegi árbir besinshi jas osy sanatta», - dedi mınıstr.
Onyń dereginshe, 2018 jyly Ekonomıkalyq yntymaqtastyq jáne damý uıymy elderinde bul kórsetkish jasóspirimder arasynda 10,5, qyzdar arasynda 15,6 paıyzdy qurady. NEET-tiń Eýropa odaǵy elderindegi 2018 jylǵy ortasha kórsetkishi – 16,5 paıyz.
«Qazaqstanda ol 7,2 paıyzdy quraıdy. Bul 2018 jylǵy kórsetkishten 0,5 paıyzǵa tómen. Jyl sońyna deıin NEET úlesin 1 paıyzǵa tómendetý josparlanýda. Bizdiń túpki maqsatymyz – bul kórsetkishti 2021 jyly 6 paıyzǵa deıin tómendetý. Árıne, 254 myń – bul aıtarlyqtaı kóp san. Biraq bul jerde keıbir derekterdi naqtylaý kerek. Mysaly, olardyń 52 myńy – úı sharýashylyǵy, otbasy múshelerine kútim jasaý sebebinen jumys istemeıtin jastar, sonymen birge olardyń ishinde jas analar da bar. 33 myń adam-densaýlyq jaǵdaıy boıynsha jumys istemeıtin adamdar. Olardyń kópshiligi múgedektigi boıynsha járdemaqy alady», - dedi D.Abaev.