Qazaqstan naryǵynda altyn qymbattady

<p>ALMATY. KAZINFORM &ndash; Baǵaly metaldyń resmı quny jańa rekord ornatyp, bir gramy 44 myń teńgeden asyp ketti.</p>

Búgin Ulttyq bank bekitken altynnyń bir gramynyń resmı quny – 44 495 teńge. 

2024 jyldyń basynan beri altyn bir gramy 30,3 myń teńgeden 44 495 myń teńgege deıin ósken. 

Altynnyń qymbattaýyna ınvestorlar, óndiris sektory tarapynan suranystyń artýy sebep.

2024 jyldyń III toqsanynda ekinshi deńgeıli bankter men banktik emes jekelegen aıyrbastaý pýnkterinde jalpy salmaǵy 475,5 keli 13 940 altyn quıma satyldy. 

Aıta keteıik,halyqqa tazartylǵan altyn quımalardy satý jáne satyp alý baǵdarlamasyn Ulttyq bank 2017 jyly iske qosqan bolatyn. Baǵdarlama qolǵa alynǵaly jalpy salmaǵy 7,4 tonna 199 235 altyn quıma satyldy.

Altyn quımalar bes túrli salmaqta usynylady: 5, 10, 20, 50 jáne 100 g. Satyp alýshylar arasynda óte joǵary suranysqa ıe túri – 10 gramdyq altyn quıma. Jalpy satylǵan quımalar arasynda onyń úlesi 24% – 48 629 dana. Odan keıin 100 gramdyq altyn quıma – 47 227 dana (24%), 5 gramdyq quıma – 44 127 dana (22%), 20 gramdyq quıma – 31 612 dana (16%), jáne 50 grammdyq quıma – 27 640 dana (14%).

Ulttyq bank bazalyq mólsherlemeni 15,25%-ǵa deıin kóterdi. 

Sondaı-aq Ulttyq bank tóraǵasy Tımýr Súleımenov dollar baǵamynyń ózgerýi ımport taýarlary qunyna áser etýi múmkin ekenin aıtty. 

Ulttyq ekonomıka mınıstri Nurlan Baıbazarovtyń aıtýynsha, teńge baǵamynyń álsireýine negizgi úsh faktor áser etip otyr.