Qazaqstan munaı óńdeý kólemin jylyna 17 mln tonnaǵa jetkizýdi kózdeıdi
«Boljamǵa súıensek, aldaǵy onjyldyqta kómirsýtekti shıkizatty tutyný deńgeıi artady. Óıtkeni munaı-hımııa ónerkásibin tutyný kólemi eki ese ósedi dep kútilýde. Bul - shamamen eki trıllıon dollarlyq naryq. Sondyqtan, munaıdy qaıta óńdeý jáne munaı hımııasy - bizdiń aımaqta kómirsýtegi shıkizatynyń iri eksporttaýshylarynyń biri retinde zor mańyzǵa ıe. 2018 jyl - Qazaqstan tarıhynda alǵash ret rekordtyq jyl retinde tarıhta qaldy. Naqtyraq aıtqanda, munaı óndirisi 90 mıllıon tonnany qurady. Sonymen birge, 56 mıllıard tekshe metrge jýyq gaz óndirildi. ıAǵnı, bul ónerkásip belsendi damyp keledi. Bul úsh iri MÓZ-de qaıta qurý jumystarynyń sátti aıaqtalǵanyn bildiredi», - dedi ol elordada ótip jatqan «Ortalyq Azııadaǵy munaı óńdeý men munaı hımııasy» atty halyqaralyq konferentsııada.
Onyń aıtýynsha, modernızatsııany eskere otyryp, Qazaqstan munaı óńdeý kólemin jylyna 17 mln tonnaǵa deıin arttyrýdy kózdep otyr.
«Óńdeý tereńdiginiń artýyn, sondaı-aq K4, K5 klasty janar-jaǵarmaı materıaldarynyń sapasynyń sáıkestigin eskere otyryp, biz ishki naryqtyń qajettilikterin qanaǵattandyryp qana qoımaı, sonymen qatar janar-jaǵarmaı naryǵynda eksporttyq áleýettiń ıesi boldyq. Sonymen birge, Úkimettiń aldynda shıkizattyq emes eksportty 2025 jylǵa qaraı eki ese arttyrý mindeti tur. Eksporttyń edáýir úlesin munaı-hımııa ónimderi quraıdy», - dedi ol.