Qazaqstan Mońǵolııaǵa Reseımen birlesip jol salýy múmkin

<p>ASTANA. KAZINFORM &ndash; Memleket basshysy Qasym-Jomart Toqaev Reseı prezıdenti Vladımır Pýtınniń Qazaqstanǵa jasaǵan memlekettik sapary aıasynda ótken brıfıngide Mońǵolııaǵa Reseımen birlesip jol salý bastamasy týraly pikir bildirdi.&nbsp;</p>

«Ónerkásip salasyndaǵy baılanystarda da aıtarlyqtaı jetistikterge qol jetkizdik. Quny 18 mıllıard dollardan asatyn 93 birlesken joba iske qosyldy. Qazirgi tańda jalpy ınvestıtsııasy shamamen 30 mıllıard dollar bolatyn 49 joba iske asyrylyp jatyr.

Qazaqstannyń birqatar óńirin gazdandyrý jónindegi aýqymdy bastamalar, reseılik energııa resýrstarynyń ońtústik jáne shyǵys baǵyttardaǵy tranzıt kólemin ulǵaıtý jobalary da mańyzdy», - dedi Prezıdent.

Qasym-Jomart Toqaev energetıkalyq baǵyttaǵy bastamalarǵa erekshe toqtaldy.

«Elimizde iri energetıkalyq nysandar salý jáne jańǵyrtý, negizgi kólik dálizderin damytý arqyly tranzıttik áleýetti arttyrý bastamalary da erekshe nazar aýdarýǵa laıyq. Sondaı-aq biz Mońǵolııaǵa avtomobıl jolyn salý, Transaýǵan kólik dálizin belsendi paıdalaný jobalarynyń keleshegin talqyladyq. Soltústik-ońtústik baǵytyndaǵy bul bastamalardyń bárin tolyqqandy iske asyrý dospeıil halyqtarymyzdyń túpki múddelerine tolyq jaýap beretinine senimdimin», - dedi Memleket basshysy.