Qazaqstan monetalary mobıldi qosymshasy qoldanysqa engizildi - Ulttyq bank
Mobıldi qosymsha tsırkýlıatsııalyq, kollektsııalyq jáne ınvestıtsııalyq monetalardyń elektrondyq katalogi túrinde ázirlendi. Onda QUB shyǵarǵan barlyq monetaǵa qatysty aqparat toptastyrylǵan.
Qosymshada ár serııa boıynsha shyǵarylǵan monetalardyń qysqasha sıpattamasymen taqyryptyq bólimder qamtylyp otyr. Keıbir jekelegen monetalar týraly vıdeorolıkterge, monetalardyń 3D-keskinine, sondaı-aq tolyqtyrylǵan shynaıylyq elementterine silteme berilgen.
Mobıldi qosymshada arnaıy optsııa bar. Sonyń kómegimen paıdalanýshy óziniń elektrondyq bazasyn (kollektsııa jıyntyǵyn) jasaı alady. Bul – qolda bar monetalardyń qaǵazdaǵy esebiniń tıimdi balamasy. Kollektsııalyq monetalar burynǵysha QUB ınternet-dúkeni arqyly satylady.
Mobıldi qosymsha Qazaqstannyń nýmızmatıka tarıhynan syr shertip, túrli dáýirler men kezeńderdegi sáýlet jáne mádenı eskertkishtermen, mańyzdy tarıhı oqıǵalarmen, qazaq halqynyń kórnekti qaıratkerlerimen, baı mádenıetimen jáne dástúrimen tanysýǵa múmkindik beredi.
QUB kollektsııalyq monetalardy shyǵara otyryp, Qazaqstandy, tumsa tabıǵattyń sulýlyǵyn, halqynyń dástúri men baı tarıhyn tanystyrady. Moneta óndirisiniń zamanaýı jetistikteri men mamandardyń kásibı sheberligin pash etedi.