Qazaqstan metallýrgııa ónimderin ótkizetin balama naryqtar izdeıdi

NUR-SULTAN. QazAqparat – Qazaqstan metallýrgııa ónimderin ótizetin balama naryqtar izdeıdi. Bul týraly búgin Úkimet otyrysynda QR Indýstrııa jáne ınfraqurylymdyq damý birinshi vıtse-mınıstri Qaıyrbek Óskenbaev aıtty, dep habarlaıdy QazAqparat tilshisi.

«Metallýrgııa ónerkásibinde neǵurlym joǵary bólinisti taýarlar óndirisin uıymdastyrýǵa baǵyttalǵan mynadaı sharalar qabyldanatyn bolady: balamaly ótkizý naryqtaryn izdeý; qosylǵan quny joǵary ónim óndirisin damytý; munaı kompanııalary otandyq óndirýshilerden qubyrlardy satyp alý; strategııalyq ınvestorlardy tartý», - dedi birinshi vıtse-mınıstr.

Onyń atap ótýinshe, hımııa ónerkásibinde otandyq kásiporyndardy qoldaý da birneshe baǵyt arqyly júrgiziledi.

«Aldymen aýyl sharýashylyǵy taýarlaryn óndirýshilerge tek otandyq mıneraldy tyńaıtqysh qunyn sýbsıdııalaý, lak, boıa, qurylys materıaldary jáne ónerkásiptiń basqa da salalaryna shıkizat óndirýge daıyn kásiporyndar úshin memlekettik qoldaý sharalary, otandyq jarylǵysh zattardy shyǵarýshy kásiporyndar ónerkásiptik hımıkattardy óndirýshilerdiń ulttyq kompanııalary men júıe quraýshy kásiporyndar jáne jer qoınaýyn paıdalanýshylar arasynda uzaqmerzimdi kelisimsharttar jasaý múmkindigi pysyqtalady», - dedi Qaıyrbek Óskenbaev.